ទិដ្ឋភាពនៃពិធី
អធមបំផុតក្រោមការចាត់ចែងរបស់លោកជំទាវប៊ុនរ៉ានីហ៊ុនសែនហើយក៏មានភ្ញៀវ
កិត្ដិយសសុទ្ធតែជាមន្ដ្រីជាន់ខ្ពស់ និងជាភរិយារបស់មន្ដ្រីធំក្នុងជួររាជរដ្ឋាភិបាល ។ អាពាហ៍ពិពាហ៍តារាចម្រៀង
មួយគូនេះទទួលភ្ញៀវចំនួនជាង១០០តុ នៅអាគារG កោះពេជ្រនាល្ងាចថ្ងៃទី២៩ ខែមិថុនា ឆ្នាំ២០១២ ។
ពិធីនេះបានប្រារឰទៅដោយរលូនហើយគ្មានអ្នកណាម្នាក់ទ្រាំមិនស្ងើចសរសើរចំពោះអាពាហ៍ពិពាហ៍របស់តារា
ពីរដួងនេះទេនិងអាចនិយាយបានទៀតថាជាប្រវត្ដិសាស្ដ្រនៃមង្គលការរបស់តារាសិល្បៈខ្មែរ។ ទោះជាធ្លាប់មាន
ពិធីមង្គលការរបស់អ្នកសិល្បៈមុនៗក៏មិនអាចប្រៀបផ្ទឹមបានដែរ ។
ក្បួនហែជំនូនដ៏សម្បូរហូរហៀរបស់តារាមានវាសនាខ្ពស់ពីរដួង បានរំលេចចេញនូវភាពអ៊ឹកធឹក ដោយសារតែ
អ្នកហែជំនូនជាង ១០០ គូ មានស្លៀកពាក់យ៉ាងមានរបៀបរៀបរយ មានអ្នកខ្លះចងក្បិនអ្នកខ្លះទៀតពាក់អាវធំ
និងមួយចំនួនទៀតសុទ្ធតែជាអ្នកធំ។ យើងគិតពីច្រកចូលរហូតដល់រោងជ័យឃើញមានកម្លាំងការពារដែលមិន
ខុសពីអាពាហ៍ពិពាហ៍របស់កូនមន្ដ្រីធំនោះឡើយ ។
ពិធីកាត់សក់បង្កក់សិរីបានមកដល់កូនកំលោះអ៊ុក ណារីម និងកូនក្រមុំ ឆោម ឆពុំ ប្រកបដោយទឹកមុខរំភើបរីក
រាយឥតឧបមា ។
លោកជំទាវកិត្តិព្រឹទ្ធបណ្ឌិតប៊ុន រ៉ានី ហ៊ុនសែន ក៏បានចូលរួមកាត់សក់ដល់កូនកំលោះ កូនក្រមុំ និងជូនពរឱ្យ
ស្រឡាញ់គ្នាដល់ចាស់កោងខ្នង។ដើម្បីជាការលើកមុខមាត់ដល់គូស្វាមីភរិយាថ្មីលោកជំទាវបានជូនគ្រឿងពេជ្រ
មួយឈុតមានតម្លៃរាប់ម៉ឺនដុល្លារហើយត្រូវគេបានដឹងថា តារាចម្រៀងពីរដួងនេះត្រូវជាកូនធម៌របស់សម្ដេចនិង
លោកជំទាវរយៈពេល៦ឆ្នាំមកហើយ ។
គួររម្លឹកថាសម្ដេច ហ៊ុន សែន និងលោកជំទាវបានផ្សំផ្គុំឱ្យពួកគេទាំងពីរមានពិធីមង្គលការនេះឡើងតាមបំណង
ប្រាថ្នា ហើយបានឱ្យលោកឧត្ដមសេនីយ៍ ហ៊ីង ប៊ុនហៀង និងលោកស្រី ធ្វើជាមេបាខាងស្រី។ នាង ឆោម ឆពុំ
មានឈ្មោះពិតគឺ ឆោម សុជាតា កើតថ្ងៃទី៩ ខែធ្នូ ឆ្នាំ១៩៨២ នៅឃុំកូប ស្រុកសិរីសោភ័ណ ខេត្ដបាត់ដំបង ។
ចំពោះលោក អ៊ុក ណារីម កើតថ្ងៃទី៣ ខែកក្កដា ឆ្នាំ១៩៨១ នៅក្រុងភ្នំពេញ ៕
អត្ថបទដកស្រង់ពីកាសែតរស្មីកម្ពុជា
0 comments