- Written by Super User
ក្បាលរថភ្លើងដែលត្រូវបានកែច្នៃធ្វើជាចង្ក្រានអាំងសាច់នៅរុស្ស៊ី។
ក្រុងម៉ូស្គូៈ
ប្រជាជនរុស្ស៊ីម្នាក់បានធ្វើឲ្យមនុស្សម្នាចោមរោមមើលសួនច្បារផ្ទះ
របស់លោកជានិច្ចរាល់ពេលដែលលោករៀបចំពិធីជប់លៀងអាំងសាច់
ដោយសារចង្ក្រាននោះត្រូវបានកែច្នៃពីក្បាលរថភ្លើង
និងត្រូវបានគេឲ្យឈ្មោះថា«Steampunk»។
គំនិតច្នៃប្រឌិតនេះត្រូវបានក្រុម
កម្មករជាងដែករុស្ស៊ីនៅភូមិ
ដឺលីណាក្បែរទីក្រុងរីយ៉ាហ្សានយកមកអនុវត្ត
ដែលមើលទៅហាក់ដូចជាចង្ក្រានដែលមានលក្ខណសិល្បៈដូច្នោះដែរ។
ចង្ក្រានអាំងសាច់ពិសេសនេះត្រូវបានគេ
យកកំណាត់ក្បាលរថភ្លើងនា សម័យបុរាណមកកែច្នៃយ៉ាងសមសួន។
បច្ចុប្បន្ននេះវាត្រូវបានក្រុមហ៊ុនឯកជនមួយបានទទួលសិទ្ធិផ្តាច់
មុខផលិតចង្ក្រានពិសេសនេះតែម្តង។
ក្បាលរថភ្លើងត្រូវបានបែងចែកជា៣
មុខងារ
គឺឡដុតចង្អើរអាំងសាច់ចំនួនពីរនៅតួខ្លួននិងមានទូសណ្តោងមួយ
ប្រើជាចង្ក្រាន។
ចង្អើរទីមួយគេអាចអាំងសាច់បានចំនួន២០ចង្កាក់ធំៗនិងចង្អើរទី២
មានដែកបង្វិលសម្រាប់ដុតមាន់និងសាច់បន្ទះធំៗដោយប្រើធ្យូង
សម្រាប់ដុតកម្ដៅ។
បំពង់ផ្សែងទាំង៣របស់វាមាន
ក្បូរក្បាច់រចនាស្រស់ស្អាតដូចក្នុង រឿងនិទាន។
ដូច្នេះវាស័ក្ដិសមសម្រាប់ប្រើក្នុងវិធីជប់លៀងអាំងសាច់ដោយសារតែវា
ជាចង្ក្រានផង និងជាវត្ថុតាំងលម្អផ្ទះសម្រាប់អួតភ្ញៀវផង៕ ប្រភពព័ត៌មានៈ ភ្នំពេញប៉ុស្តិ៍
0 comments